Mbiturizmi mund të ketë qenë fjala e vitit 2023 në industrinë e udhëtimeve.

Lajmet për ndikimet negative të turistëve ishin kudo. Destinacionet më të njohura në botë, si Venecia, Barcelona dhe Zelanda e Re, po përpiqen të mbajnë nën kontroll numrin e vizitorëve.

Një taktikë që destinacionet po përdorin, janë taksat turistike.

Ja në cilat vende vendosën taksë udhëtimi në 2024.

Barcelona

Më 1 prill 2023, autoritetet e qytetit e rritën tarifën komunale në 2,75 €.

Një rritje e dytë do të ndodhë më 1 prill 2024, kur tarifa do të bëhet 3,25 €.

Portimão, Portugali, vendosi taksën turistike në mars 2024
Portimão ka ndjekur hapat e qyteteve fqinje duke vendosur një taksë turistike në mars.

Qyteti port në Portugali do të ndryshojë taksën nga sezoni i lartë në sezonin e ulët, duke e vendosur atë në 2 € për natë nga prilli në tetor dhe 1 € për natë nga nëntori në mars.

Bali: Taksa turistike u prezantua në shkurt 2024

I njohur si Toka e Zotave, Bali tërheq vizitorë nga e gjithë bota në plazhet, ishujt dhe kulturën shpirtërore të tij.

Por turizmi nënkupton edhe probleme dhe Bali shpreson të zgjidhë disa prej tyre me një taksë të re që duhet paguar për të hyrë në vend.

Që nga 14 shkurti 2024, të ardhurit ndërkombëtarë dhe vendas duhet të paguajnë një tarifë prej 150,000 IDR (8,80 €).

Taksa turistike e Venecias

Tani është konfirmuar se qyteti do të provojë një tarifë hyrjeje për një pjesë të vitit 2024.

Vizitorët do të duhet të paguajnë një tarifë prej 5 € për të hyrë në fundjavat e pikut dhe ditët e tjera midis prillit dhe mesit të korrikut – 29 ditë në total.